O‘zbekiston Respublikasi Tashqi ishlar vazirligi
29 - yanvar 2019

TIV Konsullik-huquqiy departamenti axboroti

2019-yilning 29-yanvar kuni O‘zbekistonning Qirg‘izistondagi Elchixonasiga Botken viloyatining Botken tumani hududidan o‘tuvchi “O‘sh-Botken-Isfana” yo‘lida ikkita avtomobil ishtirokida yo‘l-transport hodisasi yuz bergani haqida ma’lumot kelib tushdi. Natijada 6 kishi jarohat olib, ularning besh nafari halok bo‘ldilar. Qurbon bo‘lganlarning Farg‘ona viloyatida yashovchi O‘zbekiston fuqarolari ekanligi aniqlandi:

- Imomov Murodjon Dushayevich, 1967-yil 8-fevralda tug‘ilgan;

- Ubaydullayeva Fotima Saydaliyevna, 1965-yil 20-sentabrda tug‘ilgan;

- Sobirova Zuhra Saydaliyevna, 1965-yil 20-sentabrda tug‘ilgan;

- Sobirov Ahmadali Avazovich, 1965-yil 25-mayda tug‘ilgan;

- Yunusov Usmonali Esonovich, 1965-yil 13-sentabrda tug‘ilgan.

Elchixona Konsullik bo‘limi vakillari baxtsiz voqea sodir bo‘lgan Qirg‘iziston Respublikasi hududidagi mahalliy hokimiyat organlari rahbarlari bilan ishchi aloqalarni o‘rnatishdi.

Botken viloyati Ichki ishlar boshqarmasi bergan ma’lumotga ko‘ra kunning ikkinchi yarmida YTH oqibatida halok bo‘lgan o‘zbekistonliklarning jasadlari militsiya hamrohligida Farg‘ona viloyatiga jo‘natildi.



Marta o`qilgan: 1185