Pokiston Tashqi ishlar vaziri bilan uchrashuv to‘g‘risida

2021-yilning 25 avgust kuni O‘zbekiston Respublikasi Tashqi ishlar vaziri Abdulaziz Kamilov mamlakatimizga amaliy tashrif bilan kelgan Pokiston Islom Respublikasi Tashqi ishlar vaziri Shoh Mahmud Qurayshiy bilan uchrashuv o‘tkazdi.

Muzokaralar chog‘ida ko‘p qirrali O‘zbekiston-Pokiston strategik sheriklik munosabatlarining hozirgi holati va rivojlanish istiqbollari muhokama qilindi.

Muzokaralar davomida oliy darajadagi muzokaralarda erishilgan kelishuvlarni o‘z vaqtida va sifatli bajarish muhimligi bo‘yicha umumiy fikr bildirildi.

Mintaqaviy masalalarga, jumladan, Afg‘onistondagi vaziyatga alohida e’tibor qaratiladi. Bu mamlakatda ziddiyatlarning kuchayishining oldini olish va milliy kelishuvga erishish uchun yordam ko‘rsatish bo‘yicha sa’y-harakatlarni birlashtirish muhimligi qayd etildi.

Qo‘shma infratuzilma va investitsiya loyihalarini amalga oshirish yuzasidan fikr almashildi.

Turli darajadagi bo‘lajak aloqalarning jadvali va tashkiliy jihatlari ko‘rib chiqildi.