![](https://cdn3.mfa.uz/2021/06/24/07/27/001_0_d-oxyKBjJC.jpg)
Germaniya Elchisi bilan uchrashuv
2021-yilning 24-iyun kuni O‘zbekiston Respublikasi Tashqi ishlar vaziri Abdulaziz Kamilov mamlakatimizdagi diplomatik missiyasi yakunlanayotgan Germaniya Federativ Respublikasining Favqulodda va Muxtor Elchisi Gyunter Overfeldni qabul qildi.
![](https://cdn3.mfa.uz/2021/06/24/07/27/001_1_u_04-eFVks_low.jpg)
O‘zbekiston tashqi siyosat idorasi rahbari Germaniya Elchisining ikki tomonlama munosabatlarni sifat jihatidan yangi bosqichga ko‘tarish bo‘yicha faoliyatini yuqori baholadi. Xususan, 2019-yilda davlatlar rahbarlarining o‘zaro tashriflari va 2021-yil mart oyida O‘zbekiston Prezidenti Shavkat Mirziyoyev va Germaniya Federal kansleri Angela Merkel o‘rtasidagi onlayn muzokaralar davomida erishilgan kelishuvlarni amalga oshirishni davom ettirishning muhimligi qayd etildi.
Tomonlarning siyosiy, savdo-iqtisodiy, investitsiyaviy va madaniy-gumanitar sohalarda hamkorlikni yanada mustahkamlashga tayyor ekanligi tasdiqlandi.
G.Overfeld, o‘z navbatida, uning O‘zbekistonda muvaffaqiyatli faoliyat yuritishida ko‘rsatilgan ko‘mak va yaratilgan sharoitlar uchun minnatdorlik bildirdi.