Eron Tashqi ishlar vaziri bilan muzokaralar to‘g‘risida

2021-yilning 8-mart kuni O‘zbekiston Respublikasi Tashqi ishlar vaziri o‘rinbosari Furqat Sidiqov Tehron shahrida Eron Islom Respublikasi Tashqi ishlar vaziri Muhammad Javad Zarif bilan uchrashdi.

Suhbat davomida O‘zbekiston-Eron aloqalarini rivojlantirish istiqbollari muhokama qilindi. Buning uchun savdo-iqtisodiy, investitsiya, sayyohlik va boshqa sohalarda muhim salohiyat mavjudligi ta’kidlandi.

Ikki tomonlama siyosiy muloqot faollashgani hamda iqtisodiy diplomatiya sohasida hamkorlikning sezilarli darajada o‘sganiqayd etildi.

Eron Tashqi ishlar vaziri O‘zbekistonda davlat va jamiyat qurilishi, ishbilarmonlik va investitsion muhitni takomillashtirish, mintaqada do‘stlik va yaxshi qo‘shnichilikni mustahkamlash sohasida amalga oshirilayotgan keng ko‘lamli islohotlarni yuqori baholadi.

Afg‘onistondagi tinchlik jarayonini qo‘llab-quvvatlash bo‘yicha O‘zbekistonning sa’y-harakatlari alohida qayd etildi.

Eron tomoni Toshkent shahrida boʻlib oʻtadigan “Markaziy va Janubiy Osiyo: mintaqaviy bogʻliqlik. Tahdidlar va imkoniyatlar” mavzusidagi xalqaro konferensiyaga taklif qilindi.

Suhbat davomida tomonlarni qiziqtirgan mintaqaviy va xalqaro masalalar ham ko‘rib chiqildi.