×

Ishonch telefoni:

(+998 71) 233-28-28


Kotibiyat

(+998 71) 239-14-27

Faks: +(998 71) 239-15-17


Elektron-pochta: info@tiv.uz


Konsullik boshqarmasi

(+998 71) 233-73-40, 236-27-07 (viza masalalari)

(+998 71) 232-17-30, 233-36-03 (fuqarolik, legalizatsiya va huquqiy yordam masalalari)

(+998 71) 236-37-54 (pasport bo‘limi)

(+998 71) 233-35-58 (konsullik muassasalalari bilan ishlash)


Elektron pochta: consul@mfa.uz


Kontaktlar

Konsullik xizmati
O‘zbekistonga kirish vizasi – E-visa
01:11:19 (GMT +5), juma, 15 - noyabr 2019
Ovoz berishni yoqish Saytning mobil versiyasi Ko'zi ojizlar uchun

O‘zbekiston Respublikasi Tashqi ishlar vazirligi

O‘zbekiston Respublikasi Tashqi ishlar vazirligi
O'zbekiston Respublikasi Prezidenti virtual qabulxonasi O‘zbekiston Respublikasi vizasi Xorijga chiqayotgan O‘zbekiston Respublikasi fuqarolari uchun eslatma va takliflar O‘zbekistonning xorijdagi konsullik muassasalari

Dolzarb masalalar


26 - oktabr 2019

O‘zbekistonning AQShdagi Elchixonasi va Bosh konsulxonasi parlament sayloviga tayyorgarlik ko‘rmoqda

2019-yilning 25-oktabr kuni O‘zbekiston Markaziy saylov komissiyasining seminari bo‘lib o‘tib, unda respublikada 22-dekabrda o‘tkaziladigan parlament sayloviga tayyorgarlikning borishi muhokama qilindi. Seminarda ilk bor O‘zbekistonning xorijdagi diplomatik vakolatxonasi bilan videoaloqa orqali bog‘lanildi.

O‘zbekistonning AQSh va Kanadadagi Elchisi Javlon Vaxabov Amerika Qo‘shma Shtatlari hududida ikkita saylov uchastkasi – Vashington shahridagi Elchixonada 12-son va Nyu-York shahridagi Bosh konsulxonada 33-son saylov uchastkalari tashkil etilganligi to‘g‘risida axborot berdi. Ikkila uchastka saylov komissiyalarining tarkibi shakllantirlgan.

Diplomatik vakolatxonalar tomonidan AQSh va Kanada hududida vaqtincha yoki doimiy yashaydigan O‘zbekiston fuqarolari o‘rtasida saylovchilar ro‘yxatini shakllantirish bo‘yicha ishlar olib borilmoqda. Diplomatik missiya bergan ma’lumotga ko‘ra hozirgi paytda konsullik ro‘yxatida turuvchi O‘zbekiston fuqarolarining umumiy soni 3700 kishini tashkil etib, ularning 740 nafari Vashington shahridagi O‘zbekiston Elchixonasida va 2960 nafari esa Nyu-York shahridagi Bosh konsulxonada konsullik ro‘yxatiga olingan.

Bo‘lajak parlament saylovida saylov uchastkalaridan uzoqda yashovchi vatandoshlarimizning faol ishtirokini ta’minlash uchun O‘zbekistonning AQShdagi diplomatik vakolatxonalari tomonidan diaspora tashkilotlari, jumladan Turkiston-Amerika assotsiatsiyasi (Nyu-York shahri), AQSh va Kanadaning Buxoro yahudiylari kongressi (Nyu-York shahri), Katta Filadelfiyadagi o‘zbekistonliklar hamdo‘stligi (Pensilvaniya shtati), “Vatandosh” tashkiloti (Pensilvaniya shtati), Chikago shahridagi O‘zbekiston-Amerika assotsiatsiyasi (Illinoys shtati), Atlantadagi o‘zbek jamiyati (Jorjiya shtati), Amerika davlatlaridagi O‘zbekiston yoshlar assotsiatsiyasi (Vashington shahri) va o‘zbekistonliklarning boshqa birlashmalari bilan birgalikda keng ko‘lamli tadbirlar amalga oshirilmoqda.

Bo‘lajak saylovida AQShning nufuzli xalqaro kuzatuvchilari ishtirok etishini ta’minlash uchun Elchixona O‘zbekiston Senati rahbariyati bilan birgalikda Vashington shahrida AQSh kongressmenlari, siyosiy arboblari va nohukumat tashkilotlarning ekspertlari ishtirokida qator brifinglar o‘tkazilib, hamkorlarga saylovga tayyorgarlik ko‘rishning borishi, O‘zbekistonning saylov qonunchiligidagi yangiliklar va saylov shaffofligini ta’minlash bo‘yicha ko‘rilayotgan chora-tadbirlar to‘g‘risida ma’lumot berildi.

Tadbir chog‘ida xorijdagi diplomatik vakolatxonalar huzurida tashkil etilgan saylov uchastkalarida parlament saylovini o‘tkazishga oid tashkiliy masalalar bo‘yicha O‘zbekiston MSK rahbariyati tomonidan qo‘shimcha tavsiyalar berildi.



Marta o`qilgan: 389