×

Ishonch telefoni:

(+998 71) 233-28-28


Kotibiyat

(+998 71) 239-14-27

Faks: +(998 71) 239-15-17


Elektron-pochta: info@tiv.uz


Konsullik boshqarmasi

(+998 71) 233-73-40, 236-27-07 (viza masalalari)

(+998 71) 232-17-30, 233-36-03 (fuqarolik, legalizatsiya va huquqiy yordam masalalari)

(+998 71) 236-37-54 (pasport bo‘limi)

(+998 71) 233-35-58 (konsullik muassasalalari bilan ishlash)


Elektron pochta: consul@mfa.uz


Kontaktlar

Konsullik xizmati
O‘zbekistonga kirish vizasi – E-visa
19:03:01 (GMT +5), yakshanba, 20 - oktabr 2019
Ovoz berishni yoqish Saytning mobil versiyasi Ko'zi ojizlar uchun

O‘zbekiston Respublikasi Tashqi ishlar vazirligi

O‘zbekiston Respublikasi Tashqi ishlar vazirligi
O'zbekiston Respublikasi Prezidenti virtual qabulxonasi O‘zbekiston Respublikasi vizasi Xorijga chiqayotgan O‘zbekiston Respublikasi fuqarolari uchun eslatma va takliflar O‘zbekistonning xorijdagi konsullik muassasalari

Dolzarb masalalar


13 - sentabr 2019

Kobul shahrida Afg‘oniston-O‘zbekiston-Qozog‘iston-Xitoy temir yo‘li marshrutining ishga tushirilishi bo‘yicha tadbir bo‘lib o‘tdi

2019-yilning 11-sentabr kuni Kobul shahridagi “Arg” saroyida Afg‘onistondan Xitoyga O‘zbekiston va Qozog‘iston hududlari orqali birinchi konteyner poezdi yo‘lga qo‘yilishi munosabati bilan tantanali tadbir bo‘lib o‘tdi, unda Afg‘oniston Islom Respublikasi Prezidenti Muhammad Ashraf G‘ani, Hukumat a’zolari, Parlamentning ikkala palatasi deputatlari, Afg‘onistonning ijtimoiy-siyosiy va ishbilarmon doiralari, shuningdek, diplomatik korpus vakillari ishtirok etdilar.

O‘zbekiston elchixonasi ma’lumotiga ko‘ra, Afg‘oniston transport vaziri Yama Yari mamlakatda transport koridorlarini rivojlantirish va afg‘on mahsulotlarini Xitoyga eksport qilish rejalari to‘g‘risida so‘zladi. U Hayraton portidan Xitoyga 41 vagonli birinchi konteyner poezdining muvaffaqiyatli yuborilishini olqishladi. Vazirning ta’kidlashicha, temir yo‘l transportining yo‘lga qo‘yilishi Afg‘oniston eksportini bir necha marotaba ko‘paytiradi va shu bilan birga tovarlarni tashish va yetkazib berish vaqtini kamaytiradi.

Afg‘oniston Prezidenti Muhammad Ashraf G‘ani o‘z nutqida ishtirokchilar e’tiborini Afg‘oniston o‘zining noyob gegrafik joylashuvi tufayli Markaziy va Janubiy Osiyo mintaqalari o‘rtasida bog‘lovchi bo‘g‘in ekanligiga qaratdi. “Bugun Afg‘oniston uchun tarixiy kun, u eksportga yo‘naltirilgan iqtisodiyotni rivojlantirish yo‘liga o‘tmoqda”, – dedi Afg‘oniston rahbari.

Muhammad Ashraf G‘ani O‘zbekistonning mintaqadagi yuklar tranziti, transport va kommunikatsiya yo‘nalishlarini rivojlantirishdagi sa’y-harakatlarini yuqori baholadi va Afg‘oniston yuklarining Xitoyga tranzit qilinishiga ko‘maklashgani uchun respublika rahbariyatiga alohida minnatdorchilik bildirdi: “Men qadrdon do‘stim Prezident Shavkat Mirziyoyevga Afg‘onistonni tiklash va rivojlantirish yo‘lida mamlakatimiz xalqi va hukumatiga ko‘rsatayotgan yordam uchun samimiy minnatdorchilik bildirmoqchiman”.

2019-yil 12-sentabr kuni Kobul politexnika universitetida “Afg‘onistonning mintaqaviy tranzit markazi sifatidagi o‘rni” mavzusidagi konferensiya davom ettirildi, unda Afg‘onistonning ijtimoiy-siyosiy va ishbilarmon doiralari, shuningdek, diplomatik korpus vakillari ishtirok etdilar.



Marta o`qilgan: 511