O‘zbekiston Respublikasi Tashqi ishlar vazirligi
4 - iyul 2019

TIV Konsullik-huquqiy departamenti axboroti

Mamlakatimiz Bosh konsulxonasi bergan ma’lumotga ko‘ra 2019-yil 27-iyun kuni Istambul shahrida (Turkiya) 1993-yil 22-mayda tug‘ilgan O‘zbekiston fuqarosi Akmal Ravshanovich Mamirjanov vafot etgan. A.Mamirjanovning sog‘ligi u basseynga borgan paytda yomonlashgan va kasalxonaga yotqizilgan. Shuningdek, 2019-yilning 30-iyun kuni Istambul shahrida velosipeddan yiqilish natijasida boshidan jarohatlanishi oqibatida 1967-yil 5-fevralda tug‘ilgan O‘zbekiston fuqarosi Zulfiyaxon Davlatovna Sharafuddinova ham vafot etgan.

Bosh konsulxona qayd etilgan holatlarni nazoratga olgan va vatandoshlarimizning jasadlarini dafn etish uchun vatanga jo‘natish borasida ularning qarindoshlariga tegishli konsullik-huquqiy yordam ko‘rsatdi.

Konsullik-huquqiy departament marhumlarning oila a’zolari va yaqinlariga hamdardlik izhor etadi hamda Turkiya, Bolgariya, Ruminiya hududida bo‘lib turgan O‘zbekiston fuqarolariga ular zarurat tug‘ilgan holatlarda Istanbul shahridagi mamlakatimiz Bosh konsulxonasiga quyidagi telefon raqamlari orqali murojaat qilishlari mumkinligini eslatib o‘tadi: +90 212-323-20-37, +90 212-229-00-75.



Marta o`qilgan: 1337