×

Ishonch telefoni:

(+998 71) 233-28-28


Kotibiyat

(+998 71) 239-14-27

Faks: +(998 71) 239-15-17


Elektron-pochta: info@tiv.uz


Konsullik boshqarmasi

(+998 71) 233-73-40, 236-27-07 (viza masalalari)

(+998 71) 232-17-30, 233-36-03 (fuqarolik, legalizatsiya va huquqiy yordam masalalari)

(+998 71) 236-37-54 (pasport bo‘limi)

(+998 71) 233-35-58 (konsullik muassasalalari bilan ishlash)


Elektron pochta: consul@mfa.uz


Kontaktlar

Konsullik xizmati
O‘zbekistonga kirish vizasi – E-visa
21:49:09 (GMT +5), seshanba, 15 - oktabr 2019
Ovoz berishni yoqish Saytning mobil versiyasi Ko'zi ojizlar uchun

O‘zbekiston Respublikasi Tashqi ishlar vazirligi

O‘zbekiston Respublikasi Tashqi ishlar vazirligi
O'zbekiston Respublikasi Prezidenti virtual qabulxonasi O‘zbekiston Respublikasi vizasi Xorijga chiqayotgan O‘zbekiston Respublikasi fuqarolari uchun eslatma va takliflar O‘zbekistonning xorijdagi konsullik muassasalari

Dolzarb masalalar


7 - iyun 2019

Oʻzbekiston Prezidenti Qozogʻiston Parlamenti Majlisi Raisini qabul qildi

Oʻzbekiston Respublikasi Prezidenti Shavkat Mirziyoyev 2019-yil 7-iyun kuni Qozogʻiston Respublikasi Parlamenti Majlisi Raisi Nurlan Nigmatulin boshchiligidagi delegatsiyani qabul qildi.

Davlatimiz rahbari mehmonlarni samimiy qutlar ekan, Qozogʻiston parlamenti delegatsiyasining Oʻzbekistonga tashrifi qardosh mamlakatlarimiz oʻrtasidagi doʻstlik, yaxshi qoʻshnichilik va strategik sheriklik munosabatlari tobora mustahkamlanib borayotganidan dalolat berishini alohida taʼkidladi.

Oʻz navbatida, Qozogʻiston Parlamenti Majlisi Raisi samimiy qabul uchun Prezidentimizga chuqur minnatdorlik bildirib, Qozogʻistonning Birinchi Prezidenti - Elboshi Nursultan Nazarboyev va Prezidenti Qasim-Jomart Toqayevning salomi va ezgu tilaklarini yetkazdi.

Uchrashuvda tomonlar Qozogʻiston Prezidenti Qasim-Jomart Toqayevning joriy yil aprel oyida amalga oshirilgan Oʻzbekistonga ilk davlat tashrifining yakunlari koʻp qirrali hamkorlikni yanada kengaytirish, uni amaliy mazmun bilan boyitish borasida oʻzaro intilish qatʼiy ekanini yana bir bor tasdiqlaganini taʼkidladilar.

Ikki tomonlama savdo hajmi ortib borayotgani mamnuniyat bilan qayd etildi. 2018-yilda tovar ayirboshlash 50 foizga oʻsib, 3 milliard dollardan oshdi. Yaqin yillarda bu koʻrsatkichni kamida 5 milliard dollarga yetkazish vazifasi turibdi.

Mamlakatlarimiz yetakchi kompaniya va korxonalari ishtirokida kooperatsiya asosida istiqbolli loyihalar amalga oshirilmoqda. Transport sohasida yangi avtobus va temir yoʻl yoʻnalishlari ochildi, shaharlar oʻrtasidagi aviaqatnovlar koʻpaytirildi, yuk tashish hajmi ortmoqda.

Hududlararo aloqalar tobora mustahkamlanmoqda, madaniy-gumanitar almashinuv kengaymoqda. Oʻtgan yili Qozogʻistonda Oʻzbekiston yili muvaffaqiyatli oʻtkazildi, joriy yilda esa mamlakatimizda tadbirlarga boy dastur asosida Qozogʻiston yili oʻtmoqda.

Uchrashuvda Oʻzbekiston-Qozogʻiston parlamentlararo hamkorligini yanada rivojlantirishning dolzarb masalalari koʻrib chiqildi.

Mamlakatlarimiz parlamentlari qoʻmitalari darajasida faol aloqalarni yoʻlga qoʻyish, erishilgan kelishuvlarni oʻz vaqtida amalga oshirish va yangi sheriklik loyihalarini ilgari surish maqsadida parlamentlararo doʻstlik guruhlari imkoniyatlaridan yanada samarali foydalanish lozimligi qayd etildi.

Nurlan Nigmatulin Qozogʻiston Parlamenti parlamentlararo munosabatlarni yanada mustahkamlashda, shuningdek, qardosh xalqlarimiz oʻrtasidagi koʻp qirrali hamkorlikni kengaytirishga qaratilgan tashabbuslarni roʻyobga chiqarishda har tomonlama koʻmaklashishga tayyor ekanini taʼkidladi.

Uchrashuv yakunida davlatimiz rahbari Qozogʻiston Respublikasi siyosiy hayotidagi eng muhim tadbir - joriy yil 9-iyun kuni boʻlib oʻtadigan Prezident saylovi muvaffaqiyatli oʻtishini tiladi.



Muallif: O‘zA
Marta o`qilgan: 1196