×

Saytda ovoz jo‘rligidan foydalanish bo‘yicha yo‘riqnoma

Hurmatli foydalanuvchilar! Saytda ovoz jo‘rligidan foydalanish imkoniyati mavjud. Ushbu funksiyadan foydalanish uchun ovozli rejimga o‘tish zarur, keyin kerakli matnni belgilab, hosil bo‘lgan belgini bosish lozim.
* Saytdagi ovoz jo‘rligi funksiyasi Windows Vista va undan oldingi versiyadagi operatsion tizimlarda ishlamaydi.

×

Ishonch telefoni:

(+998 71) 233-28-28


Kotibiyat

+998 71-233-80-98


Elektron-pochta: info@mfa.uz


Konsullik-huquqiy departanmenti

+998 71-236-27-07 (viza masalalari)

+998 71-233-36-03, +998 71-233-67-23 (fuqarolik, legalizatsiya va huquqiy yordam masalalari)

+998 71-236-37-54 (pasport bo‘limi)


Elektron pochta: consul@mfa.uz


Kontaktlar

Konsullik xizmati
O‘zbekistonga kirish vizasi – E-visa
21:46:24 (GMT +5), juma, 18 - sentabr 2020
Ovoz berishni o‘chirish Saytning mobil versiyasi Ko'zi ojizlar uchun

O‘zbekiston Respublikasi Tashqi ishlar vazirligi

O‘zbekiston Respublikasi Tashqi ishlar vazirligi
O'zbekiston Respublikasi Prezidenti virtual qabulxonasi O‘zbekiston Respublikasi vizasi Xorijga chiqayotgan O‘zbekiston Respublikasi fuqarolari uchun eslatma va takliflar O‘zbekistonning xorijdagi konsullik muassasalari

Dolzarb masalalar


23 - noyabr 2016

Shavkat Mirziyoyevning Toshkent viloyati saylovchilari bilan uchrashuvi

Tadbirkorlar va ishbilarmonlar harakati – O‘zbekiston Liberal-demokratik partiyasidan O‘zbekiston Respublikasi Prezidentligiga nomzod Shavkat Mirziyoyev 22-noyabr kuni Toshkent viloyati saylovchilari bilan uchrashdi.

Uchrashuvni nomzodning ishonchli vakili, O‘zbekiston xalq shoiri M.Toir ochdi.

O‘zbekiston Respublikasi Prezidentligiga nomzod Shavkat Mirziyoyev o‘zining saylovoldi dasturi yuzasidan ma’ruza qildi.

Dasturning pirovard maqsadi – mamlakatimizda rivojlangan huquqiy demokratik davlat va kuchli fuqarolik jamiyati barpo etish, odamlarning orzu-intilishlarini ro‘yobga chiqarish, hayot sifatini yanada yuksaltirishdir. Buning uchun davlat va jamiyat boshqaruvi tizimini takomillashtirish, iqtisodiyotni modernizatsiya va diversifikatsiya qilish hisobidan uning samaradorligini oshirish, kichik biznes va xususiy tadbirkorlikka keng erkinlik berish, mahalliy byudjetlarning moliyaviy mustaqilligini ta’minlash, qishloq xo‘jaligini tarkibiy o‘zgartirish, ilm-fanni rivojlantirish, yoshlarni qo‘llab-quvvatlash, tibbiy va maishiy xizmatlar sifatini oshirish bo‘yicha ko‘plab chora-tadbirlar belgilangan.

Birinchi Prezidentimiz Islom Karimov belgilab bergan prinsiplarga amal qilgan holda tinchlikparvar siyosat yuritish, hech qanday harbiy-siyosiy bloklarga qo‘shilmaslik, millatlararo totuvlik va diniy bag‘rikenglikni mustahkamlash, barcha davlatlar, birinchi navbatda, qo‘shni mamlakatlar bilan do‘stona munosabatlar va o‘zaro manfaatli hamkorlikni kengaytirish ustuvor yo‘nalish bo‘lib qolishi qayd etilgan.

Toshkent viloyati ulkan iqtisodiy va ijtimoiy salohiyatga, boy tabiiy va insoniy resurslarga ega viloyat sifatida O‘zbekiston hayotida alohida o‘rin tutadi. Mamlakatimizda ishlab chiqarilayotgan sanoat mahsulotlarining qariyb 15 foizi, qishloq xo‘jaligi mahsulotlarining 12 foizdan ziyodi, iqtisodiyotimizga jalb etilayotgan investitsiyalarning 10 foizi, yalpi ichki mahsulotning 9,7 foizi ayni shu viloyat hissasiga to‘g‘ri keladi.

O‘zbekiston metallurgiya kombinati, Chirchiq qishloq xo‘jaligi texnikasi zavodi, Olmaliq kon-metallurgiya kombinati, “Jeneral motors” kompaniyasi bilan hamkorlikda barpo etilgan avtomobil dvigatellari zavodi, Yangi Angren hamda Toshkent issiqlik elektr stansiyalari va boshqa yirik sanoat korxonalari mamlakatimiz iqtisodiyotining lokomotivlari hisoblanadi.

Uchrashuvda Toshkent viloyatining ushbu ulkan salohiyatidan to‘la foydalanish, uni yanada rivojlantirish haqida ham so‘z yuritildi.

Videokonferensiya shaklida o‘tkazilgan uchrashuvda viloyatning barcha shahar va tumanlari markazidan saylovchilar nomzodning dasturi yuzasidan o‘z fikrlarini bildirdi.

Mehnat faxriysi U.Mirzaqulov, "Maksam Chirchiq" aksiyadorlik jamiyati qoshidagi madaniyat saroyi direktorining o‘rinbosari L.Filippova, Angren shahridagi 14-umumta’lim maktabi direktori N.G‘afurova, O‘zbekiston koreys milliy madaniyat markazlari assotsiatsiyasi rahbari V.Pak, Olimpiya o‘yinlari chempioni F.G‘oyibnazarov, Bo‘stonliq tumanidagi "Burchmulla" o‘rmon xo‘jaligi direktori A.Abdujamilov, Parkent tumanidagi "Norchontol" fermer xo‘jaligi rahbari A.Abduyunusov, "Kamolot" yoshlar ijtimoiy harakati Bekobod shahar kengashi raisi R.Rahmonov va boshqalar mamlakatimiz rivoji har bir sohada namoyon bo‘layotgani, odamlarning ertangi kunga ishonchi mustahkamlanib borayotganini qayd etdi. Saylovchilarni 4-dekabr kuni bo‘ladigan O‘zbekiston Respublikasi Prezidenti saylovida faol qatnashishga chaqirdi.



Muallif: O‘zA
Просмотров: 6393