×

Ishonch telefoni:

(+998 71) 233-28-28


Kotibiyat

+998 71-233-80-98


Elektron-pochta: info@mfa.uz


Konsullik-huquqiy departanmenti

+998 71-236-27-07 (viza masalalari)

+998 71-233-36-03, +998 71-233-67-23 (fuqarolik, legalizatsiya va huquqiy yordam masalalari)

+998 71-236-37-54 (pasport bo‘limi)


Elektron pochta: consul@mfa.uz


Kontaktlar

Konsullik xizmati
O‘zbekistonga kirish vizasi – E-visa
23:13:35 (GMT +5), chorshanba, 5 - avgust 2020
Ovoz berishni yoqish Saytning mobil versiyasi Ko'zi ojizlar uchun

O‘zbekiston Respublikasi Tashqi ishlar vazirligi

O‘zbekiston Respublikasi Tashqi ishlar vazirligi
O'zbekiston Respublikasi Prezidenti virtual qabulxonasi O‘zbekiston Respublikasi vizasi Xorijga chiqayotgan O‘zbekiston Respublikasi fuqarolari uchun eslatma va takliflar O‘zbekistonning xorijdagi konsullik muassasalari

Dolzarb masalalar


16 - noyabr 2016

Sarvar Otamuratovning Surxondaryo viloyati saylovchilari bilan uchrashuvi

O‘zbekiston “Milliy tiklanish” demokratik partiyasidan O‘zbekiston Respublikasi Prezidentligiga nomzod Sarvar Otamuratov 16-noyabr kuni Surxondaryo viloyati saylovchilari bilan uchrashdi.

Videokonferensiya tarzida tashkil etilgan uchrashuvni O‘zbekiston “Milliy tiklanish” demokratik partiyasining xalq deputatlari Surxondaryo viloyati Kengashidagi deputatlik guruhi rahbari S.Tursunov ochdi. Prezidentlikka nomzodning ishonchli vakili B.Xudoyqulov yig‘ilganlarni nomzodning tarjimai holi bilan tanishtirdi.

O‘zbekiston Respublikasi Prezidentligiga nomzod Sarvar Otamuratov o‘zining saylovoldi dasturi yuzasidan nutq so‘zladi.

Nomzod dasturda “Milliy tiklanish – avvalambor milliy o‘zlikni anglash demakdir”, “Milliy manfaatlar va milliy qadriyatlarimiz himoyasi – bosh vazifamiz”, “Farzandlari sog‘lom va barkamol yurt qudratli bo‘lur”, “O‘z tarixini bilmaydigan, kechagi kunini unutgan millatning kelajagi yo‘q”, “Barkamol avlod – millat tayanchi” tamoyillari asosida ma’naviy-ma’rifiy, siyosiy va sud-huquq, iqtisodiyot, ijtimoiy, axborot va tashqi siyosat sohalarida bir qator vazifalar belgilanganini ta’kidladi.

“Milliy tiklanish” demokratik partiyasining maqsadi – milliy tiklanishdan milliy yuksalishga erishish g‘oyasini amalga oshirish, ichki siyosatda iqtisodiyotimizning barqaror rivojlanishi, xalqimizning farovonligi oshishi, mamlakatimizdagi tinchlik va osoyishtalikni mustahkamlash, tashqi siyosatda milliy manfaatlarni himoya qilish, O‘zbekiston xalqining milliy-madaniy va ma’naviy-axloqiy qadriyatlari, urf-odatlarini saqlash va boyitishdan iborat.

Dasturda milliy o‘zlikni anglash, milliy g‘urur va qadr-qimmat tuyg‘ularini yanada mustahkamlash, milliy iqtisodiyotni rivojlantirish, aholi turmush darajasi va sifatini oshirish bo‘yicha chora-tadbirlar ishlab chiqish, aholining ovqatlanish ratsionini kengaytirish, mamlakatimizda sifatli va xavfsiz oziq-ovqat mahsulotlari ishlab chiqarishni ko‘paytirish, bunda genlarni modifikatsiya qilish usulidan foydalanishni cheklash kabi ustuvor vazifalar ilgari surilgan.

Uchrashuvda Surxondaryo viloyati hokimligi huzuridagi fuqarolarning o‘zini o‘zi boshqarish organlari xodimlarining malakasini oshirish bo‘yicha o‘quv kursi bo‘limi boshlig‘i A.Mahmadaliyev, Denov tumanidagi 67-sanatoriy maktab-internati direktori R.Salomova, viloyat teleradiokompaniyasi muxbiri S.Siddiqova, Termiz davlat universiteti talabasi F.Qosimov nomzodning dasturi va unda belgilangan vazifalar xususida fikr bildirdi. Saylovchilarni 2016-yil 4-dekabr kuni bo‘lib o‘tadigan O‘zbekiston Respublikasi Prezidenti saylovida faol ishtirok etishga chaqirdi.



Muallif: O‘zA
Просмотров: 5425