×

Ishonch telefoni:

(+998 71) 233-28-28


Kotibiyat

+998 71-233-80-98


Elektron-pochta: info@mfa.uz


Konsullik-huquqiy departanmenti

+998 71-236-27-07 (viza masalalari)

+998 71-233-36-03, +998 71-233-67-23 (fuqarolik, legalizatsiya va huquqiy yordam masalalari)

+998 71-236-37-54 (pasport bo‘limi)


Elektron pochta: consul@mfa.uz


Kontaktlar

Konsullik xizmati
O‘zbekistonga kirish vizasi – E-visa
23:28:12 (GMT +5), chorshanba, 5 - avgust 2020
Ovoz berishni yoqish Saytning mobil versiyasi Ko'zi ojizlar uchun

O‘zbekiston Respublikasi Tashqi ishlar vazirligi

O‘zbekiston Respublikasi Tashqi ishlar vazirligi
O'zbekiston Respublikasi Prezidenti virtual qabulxonasi O‘zbekiston Respublikasi vizasi Xorijga chiqayotgan O‘zbekiston Respublikasi fuqarolari uchun eslatma va takliflar O‘zbekistonning xorijdagi konsullik muassasalari

Dolzarb masalalar


16 - noyabr 2016

Narimon Umarovning Samarqand viloyati saylovchilari bilan uchrashuvi

O‘zbekiston “Adolat” sotsial-demokratik partiyasidan O‘zbekiston Respublikasi Prezidentligiga nomzod Narimon Umarov 16-noyabr kuni Samarqand viloyati saylovchilari bilan uchrashdi.

Videokonferensiya tarzida tashkil etilgan uchrashuvni Bulung‘ur milliy hunarmandchilik kasb-hunar kolleji direktori N.Mamadiyorova ochdi. Prezidentlikka nomzodning ishonchli vakili M.Bobobekova yig‘ilganlarni nomzodning tarjimai holi bilan tanishtirdi.

O‘zbekiston Respublikasi Prezidentligiga nomzod Narimon Umarov o‘zining saylovoldi dasturi yuzasidan nutq so‘zladi.

Samarqand nafaqat o‘zining buyuk o‘tmishi va tarixiy yodgorliklari, balki bugungi salohiyati va madaniyati, mehnatkash va mehmondo‘st xalqi bilan ham dunyoga dong taratgan. Mustaqillik yillarida viloyat iqtisodiyotini rivojlantirishga qaratilgan keng ko‘lamli chora-tadbirlar hamda chet el investitsiyalarining jalb etilgani natijasida Samarqandda avtomobilsozlik, to‘qimachilik, qishloq xo‘jalik mahsulotlarini qayta ishlash va boshqa tarmoqlar izchil taraqqiy etmoqda.

Eng yuksak standartlar asosida zamonaviy jihozlangan Samarqand avtomobil zavodida o‘nlab turdagi mashinalar ishlab chiqarilmoqda. Shu bilan birga, “British-Amerikan tobakko”, “Sam Antep Gilam”, “Amin Invest” qo‘shma korxonalari, “Sharq sanoati” xususiy konserni singari yirik ishlab chiqarish quvvatlari viloyat sanoati rivojiga muhim hissa qo‘shmoqda. Keyingi besh yilda viloyatda 100 dan ortiq yangi qo‘shma va xorijiy korxonalar tashkil etilib, ayni paytda ularning soni 259 taga yetdi.

Samarqand viloyatining iqtisodiy rivoji uning eksport salohiyatida ham yaqqol namoyon bo‘lmoqda. Joriy yilda hududiy eksport miqdori 385 million dollarga yetib, bu ko‘rsatkich 2011-yilga nisbatan 4,3 barobar oshgani ham shundan dalolat beradi.

Nomzod saylovoldi dasturining asosiy yo‘nalishlariga to‘xtalar ekan, unda ilgari surilgan g‘oyalar “Adolat” sotsial-demokratik partiyasining ijtimoiy yo‘naltirilgan bozor iqtisodiyotiga asoslangan huquqiy demokratik davlat, ma’naviy va axloqiy yetuk adolatli fuqarolik jamiyati barpo etish borasidagi dasturiy maqsad va vazifalariga asoslanishini qayd etdi.

Xotin-qizlarning jamiyat siyosiy hayotidagi faolligini oshirish, yanada chuqur bilim va kasb mahoratiga ega bo‘lishi uchun keng imkoniyatlar yaratish, mehnat bozorida ularga imtiyozlar berish, iqtidorli va yuqori malakali, yuksak intellektual salohiyatli ayollarni davlat boshqaruvi organlariga faol jalb qilish takliflari ilgari surilgan.

O‘zbekiston Respublikasi Oliy Majlisi Qonunchilik palatasi deputati Sh.Polvonov, Samarqand viloyati hududiy davlat ekspertiza boshqarmasi boshlig‘i S.Boqiyev, Samarqand davlat chet tillari instituti huquqshunosi M.Asliyev, Kattaqo‘rg‘on shahridagi 17-ixtisoslashgan davlat umumta’lim maktabi o‘qituvchisi H.Abdullayeva va boshqalar nomzodning saylovoldi dasturi haqida fikr bildirdi. Saylovchilarni 2016-yil 4-dekabr kuni bo‘lib o‘tadigan O‘zbekiston Respublikasi Prezidenti saylovida faol ishtirok etishga chaqirdi.



Muallif: O‘zA
Просмотров: 5762