TIVda Italiya, Qozog'iston va Tojikiston Elchilari bilan uchrashuvlar o'tkazildi

2023-yil 25-aprel kuni O'zbekiston Respublikasi tashqi ishlar vaziri o'rinbosari Bobur Usmanov Italiya Respublikasi Elchisi Agostino Pinna, Qozog'iston Respublikasi Elchisi Beybut Atamqulov, Tojikiston Respublikasi Elchisi Abdujabbor Rahmonzoda bilan uchrashuvlar o'tkazdi. 

Muzokaralarda mazkur mamlakatlar bilan siyosiy-diplomatik hamkorlikni kengaytirish, savdo-iqtisodiy va investitsiya aloqalari, madaniy-gumanitar va ilmiy-akademik almashinuvlarni hamda hududlararo aloqalarni kengaytirish bo'yicha takliflar muhokama qilindi. 

Joriy yili o'tkazilishi rejalashtirilgan turli darajadagi qo'shma tadbirlar jadvali va ularning tashkiliy jihatlari ko'rib chiqildi.