Singapurda O‘zbekiston davlat mukofoti topshirildi

2020-yil 18-noyabr kuni O‘zbekistonning Singapurdagi Elchisi Qaxramon Shakirov tantanali ravishda “Indorama Corporation Pte. Ltd.” kompaniyasi direktori Prakash Kejrivalga “Do‘stlik” ordenini topshirdi.

O‘zbekiston Respublikasi Prezidenti Shavkat Mirziyoyevning 2020-yil 25-avgustdagi farmoni Prakash Kejrival O‘zbekiston Respublikasi bilan har tomonlama sheriklik munosabatlarini rivojlantirishga doir muhim dastur va loyihalarni ro‘yobga chiqarishdagi amaliy ko‘magi, xalqlar o‘rtasidagi o‘zaro bir-birini anglash va qo‘llab-quvvatlash tamoyillarini mustahkamlash, do‘stlik va madaniy hamkorlik aloqalarini kengaytirish ishlariga qo‘shgan munosib hissasi uchun “Do‘stlik” ordeni bilan mukofatlangan edi.